Crema de espinacas con queixo feta e piñóns

Ingredientes:

2 patacas, 1 cebola mediana, 400g de espinacas, unha presa de piñóns, unha presa de xamón picado, queixo feta ao gusto, sal, pementa negra moída, aceite de oliva virxe extra.

Elaboración:

1. Cortar a cebola e poñela nunha tarteira cun pouco de aceite, ao lume suave.
2. Cando a cebola estea transparente engadir as patacas pelada e cortadas. Remexer.
3. Engadir un pouco de pementa negra moída.
4. Engadir as espinacas, remexer durante uns minutos.
5. Engadir auga suficiente para cubrir as patacas, deixar cocer.
6. Cando as patacas estean cocidas triturar todo ata obter un puré. Engadir o sal.
7. Poñer a quentar a crema.
8. Nunha tixola, cun pouco de aceite, tostar os piñóns e saltear o xamón. No último momento engadir o queixo feta para que colla un pouco de temperatura.
9. Servir a crema de espinacas e poñer por enriba os piñóns, o xamón e o queixo.

Dificultade: Facilísima.
Tempo aproximado: 40 minutos.