Boliñas de patacas e verduras

Ingredientes:

500 g de patacas, 2 cenorias, unha presa de xudías, sal, aceite de oliva virxe extra, leite evaporado, queixo parmesano relado. Para envolver: pan relado sen glute, 1 ovo, polenta sen glute, queixo parmesano relado. Saen unhas 24 boliñas.

Elaboración:

1. Pelar as patacas, as cenorias e limpar as xudías.
2. Poñer a cocer todo en auga abundante con sal.
3. Cando as verduras e as patacas estean cocidas, separar as patacas e esmagalas cun garfo.
4. Cortar as cenorias e as xudías en anacos pequenos.
5. Engadir as patacas esmagadas un pouquiño de aceite e un pouquiño de leite evaporado, remexer ata obter como unha masa.
6. Engadir á "masa" de patacas os anaquiños de cenorias e xudías. Remexer.
7. Engadir unha culler sopeira de queixo relado. Remexer.
8. Formar unhas boliñas coas mans. 
9. Mesturar a polenta cun pouco de queixo parmesano.
10. Pasar as boliñas por pan relado ovo e polenta mesturada co queixo.
11. Fritir as boliñas en abundante aceite ben quente.

Suxestións: servir as boliñas como entrantes acompañadas de salsa de soia, servir as boliñas como guarnición de carne ou peixe.

Dificultade Fácil.
Tempo aproximado: 1 hora.